丢！
位置系斗门一中操场，800米噶跑道边，举着‘自强不息’四个牛龟大字，我紧握双拳，紮痕马步，爆发路飞第四档噶最强霸气，对住黄杨山之巅吼出。我唔系拍紧海贼王噶真人电影版，我只系对系身体入边噶局促怒气同怨气进行一个合理并合适噶释放。
当你好燥个阵，你唔爆粗，你就好会爆疮。系发出有力噶一个‘丢’字之后，我就无晒力咁坐左系度，软冧冧，周围都好静，隐约听到宿舍个边好似爆左D震天巨响，什么‘解放啦’‘考完啊’，每一粒字都震左我个心一下，一粒一粒噶字就好似一支一支噶箭，彦页身寸紧我，我起身向宿舍方向伸左一个长长噶中指。
大口大口咁吸紧雨后湿润噶空气，我有D好似透唔到气，地上面噶水镜倒影住我苦过饮完廿四味噶样，我仿佛好似睇到自己头壳顶有旧乌云，好厚好大旧。唔单止头顶，就连我个心都好似有旧乌云，因为我觉得好灰，好len灰。
周围噶空气好似凝结左，时间好似停顿左，呢个moment最啱就系抽返支烟。
熊！拜神火机‘嚓’噶一声划破凝结左噶空气，睇住点着左噶香烟，时间又好似行返咁。我从来都未试过抽烟抽得咁光明正大，抽得咁型咁chok，而且最威噶系，我宜家系学校入边，无偷偷摸摸，无丝丝叔叔。
正常嚟讲，呢种感觉应该系爽到不得了，首先系抽烟个阵尼古丁使人会达到一种满足噶感觉，之后系场地噶选择，系清规戒律压抑住自己三年噶学校，一种凌驾于一切规则之上噶感觉，爽到不得了，可惜，宜家噶我真系爽唔起身，谢晒。
一支接一支噶烟，一支接一支咁扯，当我原地复活过嚟，我已经抽左半包了。
烟，真系一样好东西。
变幻总系发生系瞬间，当收卷钟声响起个一刻，唔单止系宣布我死刑噶一刻，仲系我职业转变噶一刻，由一名高中生瞬间就变身成为一名毕业狗，我噶高中生涯亦都跟住呢下钟声消散系黄杨山下。
同学甲：“个题肯定拣B啦。”
同学乙：“吓，唔系啊吗，你无吓我好喔，我拣左A啊。”
同学甲：“嗱，咁你就又无左4分啦，个题应该系咁解噶，首先。”
每次考完试，我都会遇到好似啱啱系我身边经过噶呢位同学一样噶仆街，佢地考完之后一定会show下佢地自己D湿九答案出嚟同人地对，令人地觉得佢地好似好len醒咁，呢班仆街就会讲到D题简单到无论，开正自己个饭，实食无黐牙个只，心理承受能力差D噶人听到即刻就俾佢地抛窒左，而呢班仆街就会得到一个心理上噶胜利。
我唔知点解佢地要咁样做，不过，如果D考试题我都识做噶话，我都话咁样踩下其他同学，但系宜家听到佢地把声我都觉得想作呕啊，**。突然觉得呢班人就好似《普通无机化学》书上面写噶：我国Sb元素噶蕴藏量系居于世界噶首位。
当你试图show自己噶脑会分析问题噶时候，世界亦会见到你无知噶一面。
